Welatiyên li Amedê diyar kirin ku her roj bandora polîtîkayên şer a li ser krîza aborî xwe nîşan dide û gotin berpirsiyar desthilatdariya AKP-MHP’ê ye û ji bo çareseriyê hilbijartina pêşwext nîşan dan.
Girtî Abdulkadîr Bozkûrt diyar kir ku gardiyanan gefa kuştinê lê xwariye û du caran li ber kamerayan bi êrişa 10 gardiyanan re rû bi rû maye û banga hestiyariyê li raya giştî kir.
Girtiyê nexweş Cengîz Eker çendî 30 salên xwe temam kiriye jî, nêzî salek e berdana wî tê taloqkirin û nayê berdan. Malbata Eker ji bo berdana girtiyên nexweş û girtiyên berdana wan tê taloqkirin banga têkoşîna hevpar kir.
Hevserokê DBP'ê Keskîn Bayindir ku di pîrozbahiya fînala turnuvaya Gulîstan Dokuyê de ku ji aliyê Meclisa Ciwanên DEM Partî ve dihat li darxistin de axivî û bi lêv kir ku desthilata AKP-MHP mirinê ji kurdan ferz dike û got: "Bi pêşengiya ciwanan em ê bi têkoşîna xwe, li ser axa xwe bi ziman, çand û kurditiya xwe bi serbikevin."
Selahattîn Genç ê ku piştî 31 sal û 8 mehan li Girtîgeha Tîpa T a Amedê hat berdan, li navçeya Hezex a Şirnexê bi girseyî hat pêşwazîkirin.
Cenazeyê rojnamevan Hêro Bahadîn a ku di êrîşa balafirên Tirkiyeyê de li Seyîdsadiq a Silêmaniyê şehîd bû, bi merasîmeke girseyî hat veşartin.
Ji bo rojnameger Emîne Demîr ku jiyana xwe ji dest dabû, malbata wê li Qoserê li cihê sersaxiyê bi tevlibûna gelek kesî mewlûd da.
Li Mêrdînê kesên serê sibehê di serdegirtina malan de hatin binçavkirin hatin berdan.
Hevserokê DBP'ê Keskîn Bayindir bertek nîşanî êrişa hewayî ya Tirkiyeyê ku li bajarê Silemaniyê li dijî rojnamegerên kurd pêk anîn da û got ku serkêftin a gelê kurd e.
Parlamenterê Herêma Kurdistanê yê Berê Omer Gulpî anî ziman ku êrişa Tirkiyeyê ya li dijî rojnamegeran ji terora dewletê pêdetir tiştek nîn e.
Meclisa Ciwanan a DEM Partiya Rihayê li dijî êrişên ser zimanê kurdî pankarta, “Jiyan bi kurdî xweş e, zimanê me rûmeta me ye” daliqand.
MKG’ê û DFG’ê têkildarî qetilkirina 2 rojnamegerên ku di encama êrîşa dewleta tirk a li ser wesayîta rojnamegeran a li Silêmaniyê daxuyaniyek hevpar dan û wiha gotin: “Em bang li hemû saziyên navneteweyî dikin ku li dijî êrişan peywira xwe bi cih bînin. Em ê bîranîna wan bi pênûs û kamerayên xwe bidin jiyîn.”
ÎHD di Rpoara Binpêkirinên Mafan a Sala 2023’yan de bal kişand ser tecrîdkirina Abdullah Ocalan û wiha hat gotin: “Tu palpiştek hiqûqî ya vê sepanê nîne. Bi vê sepanê girtiyan ji mafên wan bingehîn mehrûm dihêlin. Ev binpêkirina hiqûqa mafên mirovan a navneteweyî ye.”
Rêveberê Giştî yê Produksiyona Chatrê Kemal Heme Reza destnîşan kir ku destek reş ê navxweyî û destek îstîxbaratî bû sedem ku dewleta tirk van her du rojnamevanan qetil bike.