Seroka Şaxa ÎHD'ê ya Stenbolê Gulseren Yoleriyê diyar kir ku cezayê muebeda giran "îşkence ye" û got ku ji bo pêkanîna biryara "mafê hêviyê" ya der barê Abdullah Ocalan de pêdivî bi muxalefeteke xurt heye.
Li Qersê ji ber kêmasiya bijîşkan li 2 nexweşxaneyan 15 beş hatin girtin û alavên tenduristiyê hatine ber rizîbûnê. Prof. Dr. Barlas Sulu diyar kir ku li Qersê negihîştina xizmeta tenduristiyê bûye sedema koçberiyê.
Li Elbakê gelek herêm weke “Herêma ewlehiyê ya taybet” hatin ragihandin. Hate diyarkirin ku li yek ji van herêman operasyon hatiye destpêkirin.
Kekê Abdulkadîr Kûday ê tevî ku ATK’ê 3 caran rapora “nikare di girtîgehê de bimîne” dayê jî nehate berdan û di girtîgehê de jiyana xwe ji dest da Salîh Kûday, diyar kir ku kekê wî tu caran bêrûmetî qebûl nekir û wiha got: “Tevî ku li ser sedyeyê bû jî her tim moral dida me. Digot ‘kî têbikoşe û li ber xwe bide ew dê serbikeve.”
Endamê PM’a DBP’ê Nûrî Denîz da zanîn ku dê 4 mehan li Kurdistan û Tirkiyeyê xebatên rêxistinkirinê bimeşînin û di dawiyê de jî “konferansa rêxistinkirinê” li dar bixin. Denîz, banga tevlibûna seferberiya rêxistinbûnê li her kesî kir.
Hevserokên MATUHAYDER’ê Dîlek Sonmez Demîr û Mehmet Şafî Erol diyar kirin ku tevî rapora ATK’ê ya “nikare di girtîgehê de bimîne” jî Abdulkadîr Kuday nehate tehliyekirin û wiha gotin: “Ev sepan îdam bi xwe ye.”
Hevserokê DEM Partiya Stenbolê Mûrat Kalmaz da zanîn ku xebatên mitînga “azadiyê” didomînin û got: “Ji bo em çareseriya pirsgirêka kurd û azadiya Abdullah Ocalan daxwaz bikin, werin em di 13’ê cotmehê de li Amedê bin.”
Eren Keskînê diyar kir ku di komploya li dijî Abdullah Ocalan de hemû peymanên navneteweyî hatine binpêkirin û got ku divê desthilat û muxalefet pêvajoya 9'ê Cotmehê ji nû ve binirxînin û ji bo çareseriya pirsgirêka kurd hewl bidin.
Hevserokê DEM Partiyê yê Êlihê Mûstafa Mesût Tekîk diyar kir ku amadekariyên wan ên ji bo mitînga 13’ê cotmehê ya Amedê berdewam in û got: “Em hemû kesên daxwaza edalet, azadî û wekheviyê dikin vedixwînin Amedê.”
Li navçeya Seyhanê bi daliqandina wêneyên Rêberê PKK’ê Abdullah Ocalan daxwaza azadiya wî hate kirin.
Der barê nûçegihana me Melek Avcî ya ku ji ber nûçeyên li ser hesabê xwe yê medyaya dîjîtal ji bo îfadedayînê hatibû gazîkirin, îdianame hat amadekirin.
DBP û DEM Partiyê di salvegera “Komkujiya Vartinîsê” de Bajaroka Vartinîs û gorên malbat Ogut ziyaret kirin û dan zanîn ku ew dê nehêlin ev komkujî bê jibîrkirin.
Xebatên lêgerînê yên ji bo xwendekara Zanîngeha Rojîn Kabaîş ku ji 27’ê îlonê ve ti agahî jê nayên girtin, di roja 6’emîn de didome.
Serokê Komîsyona Bilind a Serbixwe ya Hilbijartinê yê Iraqê Dadger Omer Ahmet daxuyand ku ew ê destûr nedin di hilbijartinê de bêusilî û sixtekarî werin kirin.